Fərhad Hüseynov

Fərhad Gəncə şəhərinin ilk web dizaynerlərindən biridir, çox professional, əməksevər, düzgün və səmimi bir insandır. Fərhad bu dövrə qədər bir çox təşkilat, müəssisə, şirkət, şəxsi və s. üçün çoxlu miqdarda web səhifələr hazırlamışdır. Bundan başqa qeyd etməliyəm ki, Fərhadın gözəl web dizayn zövqü vardır və bu da Ona belə gözəl səhifələr yaratmağa yardım edir. Valideyn öz uşaqlarını boya-başa çatdırana qədər yanında olduğu kimi, Fərhadda hazırladığı web səhifələri zamanın ümidinə qoymayaraq, daim olaraq onların texniki dəstəyi ilə də yaxından məşğul olur. İnanıram ki, gələcəkdə Fərhad öz uğurları ilə bizi daha da sevindirəcəkdir.

Bir neçə il əvvəl sayt yaratmaq istəyərkən dizayner axtarırdım. Mənə Fərhad Hüseynovu təklif etdilər. Qısa bir zamanda o öz işini məni tam qane edəcək bir şəkildə yerinə yetirdi. Bu sahədə səriştəsiz olduğumdan və təbiətən işə qarşı tələbkar olduğumdan, ona tez-tez suallar verməli olurdum, yaxud nələrdəsə dəyişiklik etməyi xahiş edirdim. Fərhad bəy səbr və hövsələ ilə xahişlərimi yerinə yetirməyə çalışırdı. Tam arzusunda olduğum bir sayt yarandı. Bir dizayner kimi onun professionallığı ilə yanaşı, həm də bir insan kimi mənəvi saflığına heyran oldum. Sayt yaratmaq arzusunda olanlara, öz işlərini bu peşəkar dizaynerə həvalə eməyi tovsiyə edirəm.

Gəncə Avro-Atlantik Məlumat Mərkəzi Fərhad Hüseynovla 2013-cü il tarixindən etibarən əməkdaşlıq edir. Bizim əməkdaşlığımız təşkilatımızın Web-saytının Fərhad Hüseynov tərəfindən yüksək səviyyədə hazırlanması ilə başlanmışdır. Təşkilatımızın web-saytının yenilənməsi, təhlükəsizliyi və texniki müşaiyyətini davamlı olaraq yerinə yetirilməsini həyata keçirən Fərhad Hüseynovla əməkdaşlıqdan məmnunuq. Bizimlə əməkdaşlığı dövründə Fərhad Hüseynov həmişə profesionallıq və yüksək mədəniyyət nümayiş etdirmişdir. Biz ümüdvarıq ki, Fərhad bəylə qarşılıqlı səmərəli əməkdaşlıq əlaqələrimiz gələcəkdə də davam etdiriləcək.

Fərhad Hüseynovla əməkdaşlığımız 2015-ci ilin fevral ayından başlamışdır. İlk görüşümüz zamanı ondan institutun yeni web saytının hazırlanması xahiş olundu. O institut üzrə bütün məlumatları toplayaraq qısa bir vaxtda bizim tələbatımıza uyğun öz peşəkarlığını nümayiş etdirərək institutun web saytını hazırladı. Həmin vaxtdan da institutla əlaqəni kəsmir və lazım olan yenilikləri institutun saytında vaxtında və dəqiq yerləşdirir. Hesab edirəm ki, Fərhad Hüseynovla əməkdaşlıq edən hər bir kəs ondan layiqincə bəhrələnə bilər. Çünki Fərhad Hüseynov həm peşəkar, həm yüksək mədəniyyətə, bilik və bacarığa malik olan bir mütəxəssisdir.

Fərhad müəllimlə 10 ilə yaxındır ki əməkdaşlıq edirik! Agentliyin saytını başqa bir insan hazırlamışdır və işi yarımçıq qoymuşdur. Bizə Fərhad Hüseynovu məsləhət gördülər. O, professionalcasına saytı hazırlamışdır və layiqincə işi sona çatdırmışdır. Saytın hazırlanma prosesində yüksək peşəkarlıq və səbr göstərmişdir. Bu illər ərzində müasir texnologiyalardan istifadə edərək, saytımızı 2 dəfə re-dizayn etmişdir. Ümid edirik ki, gələcəkdə də əməkdaşlığımız davam edəcək. «KÜR» İnformasiya Agentliyi olaraq bildiririk ki, Fərhad Hüseynovla əməkdaşlıqdan tam razıyıq və onun xidmətlərindən istifadə etməyi hər kəsə məsləhət edirik.

Məlumdur ki, indiki dövrdə sayt yığmaq və ya yığdırmaq bu gün hər kəsə əlçatan olsa da ancaq kefiyyətli iş görmək və ya eyni zamanda xidmət göstərmək həmin şəxsdən vicdan tələb edir. Böyük mənuniyyətlə və çəkinmədən vicdanlı web usta kimi Fərhad Hüseynovu göstərə bilərəm. Fərhad müəllimlə tanışlığımın arıtq on ilinə qədəm qoymuşuq. Vaxtı ilə arzusunda olduğum və nə vaxtsa mənim də belə bir saytım olsa dediyim vaxtlar Fərhad müəllim köməyimə çatdı. Fərhad müəllim savadlı, işgüzar, məsuliyyətlidir. Düşünürəm ki, onunla iş birliyi görən hər kəs bunun əyanı şahidi olacaqdır. Sayt yığdırmaq istəyən hər kəsə onu tövsiyyə edirəm.